|
NARRATIVE
ON PRINT
WAITIN' by the Ladle Well—
Weary waitin' in the gloamin',
Ilka minute is an hour
Till I see my Katie comin' :
Comin' barefoot frae the toon,
Liltin' up a lightsome ditty,
Wi' her lips sae rosy red ;—
O, my bonnie Katie Beattie !
I 'm a dummie by her side ;
Slowly pacin' through the plantin',
Wae's my pluck—my tongue is tied,
I canna tell her what I'm wantin' ;
For her twa black pawky een,
For her tongue sae glibe and witty,
For this duntin' heart o' mine ;—
O, my bonnie Katie Beattie !
When we sat by Hungerheigh,
Just as I was at the speirin',
Came a laugh out-ower the wood
Set my very heart a' steerin'.
Katie up, an' ran awa ;
Weel she kenned it wasna Clootie,
But a muckle horse's calf ;—
O, my bonnie Katie Beattie !
POEM - WAITIN' BY THE LADLE WELL
BY THOMAS WATSON - 1883
|
