Round about the Round-O 1880. Arbroath's yesteryear in print
 

email us
homefeatured printthe artistthe engravingsRembrandta Scottish brandprint shoparchive
THE ROUND O ARCHIVE
POEM - 009
'The Lass that bides by Lunan'
Alex. Cargill

___

OH, what like winsome dearie's face
Can charm the lads frae frownin' O ?
Then let wha pines for heartie's peace
Come yont wi' me by Lunan O !
By Lunan O ! fair Lunan O !
For wha kens a kimmer sae braw, sae braw,
As the lass that bides by Lunan ?

Oh, what can cheer like the merry May-buird
I' the liftin' licht blithe-sounin' O ?
Yet nae lark, liltin', daur be heard
Wi' the lass that bides by Lunan O !
By Lunan O ! dear Lunan O !
For wha kens a kimmer sae blithe ava'
As the lass that bides by Lunan ?



top
Back to Directory



...continued

Oh, what can surer melt the mou'
Than peach i' the sun embrownin' O ?
But oh ! tae pree the fragrant dew
Aff her lips wha bides by Lunan O !
By Lunan O ! clear Lunan O !
For wha kens a kimmer sae sweet ava
As the lass that bides by Lunan ?

Then come wha, dowie, sits opprest,
An' hisht, now hisht your croonin' O !
Your een will evermair be blest
Gin' ye come wi' me by Lunan O !
By Lunan O ! fair Lunan O !
For wha kens a kimmer sae braw, sae braw,
As the lass that bides by Lunan ?
newslettershopping guidecontact uslinkssite mapcopyright



The Round-O




HomeFeatured printThe artistThe engravingsRembrandtA Scottish brandPrint shopArchive
Newsletter
Shopping GuideContact usLinksSite MapCopyright



Website designed and built by Dreambox® Design, Fine Art and Publishing © 2004. All rights reserved. Tel. 01241 870355.