A. S. Watt
THE sun gaed doon o'er Keptie Hill,
To some far foreign shore,
When first on Seaton's flowery lea
I met sweet Lily Moore.
O, blithesome was this heart o' mine,
Inclined to wander then
Wi' her, sweet Queen o' Paradise !
In Seaton's flowery Den.
I yet may spy the wimplin' brook,
The lonely trystin' tree,
Where, side by side, we sat an' watched
The moon rise o'er the sea.
yet may walk on Sabbath e'en
A' through the bonnie glen,
Past 'Maiden Hill,' an' a' the coves
'Tween Ness an' Seaton Den.
But, ah ! my love I canna spy ;
She's gane far o'er the sea :
Three thousand miles o' water roll
Atween my love an' me.
I hae nae wish for gowd or gear ;
Its worth I dinna ken ;
But bring me back my Lily Moore
To Seaton's flowery Den.